HomeEmailContact FacebookTwitterYoutubeLinkedIn

View Page In:
Previous Month
August 2019
Next Month
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
FNTI News
FNTI Bucking Gender Inequity Trend in Postsecondary 
          August 8, 2019 (Tyendinaga Mohawk Territory, Ont.) -- Whereas women’s knowledge and skill sets continue to be ... Read More
Thursday, August 8

È:neken nitiwatkáhthon

Tsyorihwátshon enhontéweyenhste yó:yen niya'té:kon nahò:ten tká:konte nayóntyere ká:ro tsi niyó:re ayontáweya'te. Sátken's ne Shakotiya'tárha Tsi Yehyatónhkwa (Recruitment Office) niya'té:kon ahserihwatshén:ri ne nahò:ten enhsateweyénhstahkwe aorihwà:ke.

Kaya'takehnhà:tshera Tsi Yontaweyà:tha ne Thotí:yon's Ronteweyénhstha

Thotí:yon's ronteweyénhstha kayanerenhsera'shón:'a ta'nón:wa enyakoríhon ónhka'k né:ne yah teyakohyatonhserayentá:'on ne OSSD táhnon né:ne ó:nen yaonnisé:'on yeská:konte ronateweyenhstòn:ne. Ta'nón:wa tenyotonhwentsyohónhake ok nahò:ten credits ayakoyén:ta'ne ohén:ton tóka'ni ayakote'nyenténhstonke. Tekonttihányon ne nahò:ten tká:konte nahóntyere ohén:ton enhontéweyenhste tyoyanén:'a ne nahò:ten eyonteweyénhstahkwe táhnon ne yonteweyenhstáhkwa teyonkwarihwayenawà:kon.

Prior Learning Assessment & Recognition (PLAR)

PLAR né:'e yoteríhonte akayerón:nitste, akahyatonhserón:ni, aonte'nyén:tenhste táhnon akayén:tere'ne naho'ténhshon enhatikwé:ni táhnon nahò:ten yakoweyentehtá:'on tsi niyakónnhehs tetsyá:ron thotinonhsó:ton táhnon tsi yonteweyenhstáhkwa. Yonteweyénhstha enyehyatonhserakwatá:ko né:ne watena'tón:ni akoteryen'tarà:tshera tsi ní:yoht tsi tekyatátenonhkwe ne nahò:ten enyontéweyenhste. Ne kí:ken enyakoyé:nawa'se ayonhkwatá:sehte tsi ayakoyén:ta'ne ne credits né:ne tsi nón:we yakoteweyenhstonhátye. PLAR ne ò:ni ronátston ne FNTI tsi tyó:nakte ne káti áhontste ahatiweyentéhta'ne táhnon ahonte'nyén:tenhste.

FNTI ronwatiyenteré:'on tsi ratinenhrì:ne ne PLAR aorihwà:ke. Onkwá:wen PLAR tsi niyohtányon tsi yakwahtentyà:tha né:'e kanorónhstha táhnon kayén:tere's tsi nihotirihò:tens tsi na'tekonttihányon, ronaterihwayenterhá:'on, táhnon Onkwehón:we raonateryen'tarà:tshera né:ne ronteweyénhstha raoná:wen ne á:se niyohtányon né:ne enyontate'nyén:tenhste táhnon enyonte'nyén:tenhste ne yonteweyenhstáhkwa.

Tekeníhatont Yonteweyenhstáhkwa Kahyatonhserí:yo Sha'tekahyatonhserò:tens

Ne Academic and Career Entrance Certificate (ACE), Basic Training and Skills Development – 5 niyohrá:ton (BTSD) tóka'ni ne Ontario High School Equivalency Certificate (GED) akwé:kon ahonní:ron tsi ne shá:ka ne Tsi Kanyatarí:yo tekeníhatont yonteweyenhstáhkwa kahyatonhserí:yo ne káti aontayontáweya'te ne yonteweyenhstáhkwa kahyatonhserí:yo, kahyatonhseranó:ron táhnon tyótte kahyatonhseranó:ron ayonteweyénhstahkwe.

Kaweyenhsta'tsherayenterítston Orihwa'shón:'a

Yonkwá:yen nahò:ten énhsehre ahsatéweyenhste táhnon niya'teyorì:wake ne í:se sarihwa'kéhshon. Ó:nen ya'kéhewe orihwí:yo aetyón:ni tsi akwé:kon yonkwá:yen nahò:ten teyonkwatonhwentsyó:ni ne akwahyatonhserate'nyén:tenhste.

Tekeníhatont Yonteweyenhstáhkwa Kaweyenhsta'tsherayenterítston – Sheyatewennáta'ahs ne sá:wen tekeníhatont yonteweyenhstáhkwa tóka'ni ne thonnónhtons kanenhrón:ni tsi yehyatónhkwa ne ahsaterihwányehte ne kaweyenhsta'tsherayenterítston (kahyatonhserà:ke tóka'ni karonwarà:ke) ne ahshakonatennyénhten ne Ronteweyénhstha Ratihyatonhserarò:roke tsi yehyatónhkwa ne FNTI nón:we. Ne ò:ni enwá:ton í:se aesayén:ta'ne ne kaweyenhsta'tsherayenteritston'ón:we táhnon ahskwatennyéhten. Tóka' íhsehre FNTI ayakwakóha ne saweyenhsta'tsherayenterítston, sateweyèn:ton táhnon shyatonhseríhsa kí:ken Transcript Release Form táhnon karonwarà:ke ahskwatennyéhten ne kahyatonhseríhson ne studentrecords@fnti.net nón:we tóka'ni tasatfax ne FNTI (613)396-2761.

Yonteweyenhstáhkwa táhnon yonteweyenhstahkwa'kó:wa kaweyenhsta'tsherayenterítston – Nó:nen enhsaterihwányehte ne saweyenhsta'tsherayenterítston ne Tsi Kanyatarí:yo yonteweyenhstáhkwa tóka'ni yonteweyenhstahkwa'kó:wa, enwá:ton ahshehró:ri yahonténnyehte ne Ronteweyénhstha Ratihsennarónnyon Tsi Yehyatónhkwa né:ne FNTI nón:we. Tóka' íhsehre FNTI ayakwakóha ne saweyenhsta'tsherayenterítston, sateweyèn:ton táhnon shyatonhserísa kí:ken Transcript Release Form táhnon tasaténnyeht ne kahyatonhseríhson studentrecords@fnti.net nón:we tóka'ni tesatfax ne FNTI ne (613)396-2761.