HomeEmailContact FacebookinstagramTwitterYoutube

View Page In:

FNTI'S EXECUTIVE TEAM

 

Suzanne Katsi'tsiarihshion Brant

Suzanne Katsi'tsiarihshion Brant, M.E.S, I.M.C, P.H.C.P,

YEYA'TAKWE'NÍ:YO

suzanne@fnti.net

Kanyen'kehá:ka niyakohwentsyò:ten Kenhtè:ke nityakawé:non ne Katsi'tsiarihshion. Yenyén:te ne orihwí:yo akénhake tsi Onkwehón:we Raonateryen'tarà:tshera enkarónnyonke ne Yonteweyenhstahkwakónhshon, táhnon yakorharátston tsi 'yorihwató:ken kaweyenhstà:tshera' né:'e entkaya'takwe'niyóhake ne akotkahthótshera ne FNTI.

Yontatyo'tenhserayenteré:'on Onkwehonwehnéha Ata'karitétshera Yakorihonnyén:ni táhnon kayo'ténhsera yerihwahserón:nis, yakotohétston tsi yakoteweyénhston ne Institute of Integrated Medicine tsi yakoyo'tenhserón:tahkwe ne Integrated Medical Clinician. Wa'akoyén:ta'ne ne Master's Kahyatonhseranó:ron tsi wa'ontéweyenhste ne Ohwentsya'kéhshon Ronteweyénhstha York Yonteweyenhstahkwa'kó:wa nón:we. Tsi náhe ne 25 niyohserake'kénha, tsi ratinónhstats ne Onkwehón:we Ateryen'tarà:tshera né:'e tkaya'takwe'ní:yo ne nahò:ten yakoyo'ténhstha.

Ne ò:ni yo'nikonhratihénthoht tsi yóntstha ne ononhkwa'shón:'a táhnon tsi ní:yoht kontiyenawà:se ne ata'karitétshera, táhnon tsi niyorihowá:nen ne niyonkwarihò:ten tsi ratinónhstats ne ohwentsya'kéhshon. Katsi'tsiarihshion é:so yakoterihwayenterhá:'on tsi yakorihonnyén:ni táhnon tsi ronwati'nikonhrarátye ne ronteweyénhstha táhnon rotiyo'tén's; yon'sharì:ne's ne orihwa'shón:'a ne akakwatákwen nahò:ten enhontéweyenhste; yakoyó'te tsi ohén:ton í:yete; yerihwahserón:nis naho'ténhshon enhontéweyenhste táhnon niya'té:kon yakorihonnyén:ni; yerihwahserón:nis táhnon yakorihonnyén:ni niya'té:kon naho'ténhshon ne sénha ahontyo'tenhseriyóhsten. Katsitsiarihshion yeyà:tare ne Haudenosaunee Ohwéntsya Ratinónhstats Kentyóhkwa táhnon yakoyo'tenhserón:tahkwe tsi yeya'tá:rahkwe ne Thonnónhtons Kentyóhkwa ne St. Lawrence Yonteweyenhstáhkwa.

 

Adam Hopkins, B.A., M.P.A.

YEYA'TAKWE'NÍ:YO AKONHÀ:TSHERA, RATIHSENNARÓNNYON RA'NIKÒN:RARE TÁHNON RONTEWEYÉNHSTHA SHAKOYA'TAKÉHNHAS

adamh@fnti.net

Lunaapeew táhnon Anishnaabe nihaya'tò:ten ne Adam né:ne Athsa'kanhá:ka – Moraviantown nithawé:non. Rotohétston tsi wahatéweyenhste Trent University táhnon FNTI/Queen's. 10 niyohserá:ke wahatyé:nawahste tsi royó'te ne yonteweyenhstahkwa'kó:wa nonwéhshon, ne enhs tsi shakoya'takéhnhas ne ronteweyénhstha, ohén:ton tsi niyó:re tahoyo'tátye ne Onkwehón:we Yonterihwayenhstahkwa'shón:'a. Ón:wa wenhniseratényon, ra'sharì:ne niya'té:kon ne orihwa'shón:'a Onkwehón:we Yonteweyenhstáhkwa (FNTI) nón:we: Tehatirihó'kwats táhnon Shakotiya'tiniyòn:tha, Rahsennarò:roks Tsi Tyehyatónhkwa, Ronteweyénhstha Rotiyanerahstén:nis Shakotiya'tákéhnhas, Thonatyerénhton Ón:kwe Tehatí:tens táhnon Oháhase Tékeni Yawén:re Tsi Kahyá:ton Yonteweyenhstáhkwa. Nón:wa raya'takwe'ní:yo raonhà:tshera royo'ténhseronte táhnon ratyà:tare ne niya'tekentyóhkwa ne Onkwehón:we Kaweyenhstà:tshera aorihwà:ke ohwentsyakwé:kon ne tsi Kanyatarí:yo. Ne ò:ni yókste tsi ní:kon royo'tén:'on ne yorihwà:ke ne Aterò:sera Kanonhsó:ton táhnon niya'tekentyóhkwake ratya'tarónnyon ne eh aorihwà:ke rotiyo'ténhstha.

 

 

Donna Silver-Smith,

YEYA'TAKWE'NÍ:YO AKONHÀ:TSHERA, KENTYOHKWA'SHÓN:'A SHAKOTIYA'TAKÉHNHAS

donnas@fnti.net

Donna yeya'takwe'ní:yo akonhà:tshera, Kentyohkwa'shón:'a Shakotiya'takéhnhas ne First Nations Technical Institute nón:we yakoyo'ténhseronte táhnon yenyén:te tsi yakoyó'te ne tsi ní:yoht kentyóhkwa ahonte'nikonhrón:ni táhnon ahatirihwahserón:ni. Ká:ro tsi niyó:re wa'ontyà:taren ayakoyó'ten ne thonnónhtons kentyóhkwa, yakoyo'tenhserayén:tahkwe tsi ronwati'nikonhrarátye'skwe ne St. Lawrence Yonteweyenhstáhkwa táhnon Queen's Yonteweyenhstahkwa'kó:wa. Donna yakoyo'tenhserí:yo né:ne íhsi nón:we 25 niyohserá:ke yakoterihwayenterhá:'on tsi yakoyó'te ne teyontonkwe'tayehstáhsyons ahotiyó'ten táhnon ronatehyà:ron yonteweyenhstáhkwa rotiyo'tényon sénha enhontyo'tenhserí:yohste. Donna tyakoyerí:ton ne Bachelor of Arts, Sociology né:ne Trent Yonteweyenhstahkwa'kó:wa nón:we. Ne ò:ni ne yontyà:tare ron'sharì:ne kanenhra'shón:'a niya'teyohwéntsyake kentyohkwa'shón:'a, tsi náhe ne wisk yawén:re niyohserake'kénha yakoyo'tátye skátne kentyohkwa'shón:'a ahatiyá:nate nahò:ten ronate'nikonhrón:ni táhnon tsi nenyá:wen'ne ne nahò:ten rotiyó'te aorihwà:ke.

 

Cathie Findlay

OHÉN:TON Í:YETE, KAKORÁHSERA TEHATIYÉ:NAS TÁHNON RONWATIHTHARÉN:NI

cathief@fnti.net